बाँकेका ११ सहित थप २३ जनामा कोरोना संक्रमण पुष्टि
कुन्तलराज शर्मा,नेपालगन्ज
३० साउन/ भेरी अस्पताल नेपालगन्जको प्रयोगशालामा गरिएको पिसीआर परीक्षणमा बाँकेका ११ सहित थप २३ जनामा कोरोना भाइरस संक्रमण पुष्टि भएको छ ।
पछिल्लो २४ घण्टामा गरिएको ७ सय परीक्षणमा बाँकेका ११ र बर्दियाका १२ गरी कुल २३ जनामा भाइरस संक्रमण पुष्टि भएको जिल्ला स्वास्थ्य कार्यालय बाँकेका कोरोना फोकलपर्सन नरेश श्रेष्ठले जानकारी दिएका छन ।
योसंगै बाँकेमा कूल संक्रमितको संख्या ६ सय ९६ पुगेको छ । तीमध्ये अहिले सम्म ४ सय ३५ जना उपचारपछि घर फर्किसकेका छन् भने तीन जनाको मृत्यु भएको छ ।
यस्तै बर्दियामा शुक्रबार १२ जना थपिएसँगै संक्रमितको संख्या २ सय ८५ पुगेको छ । बर्दियामा २ सय ३२ जना निको भएर घर फर्किसकेका छन् ।